Koronavirusun yayılmasının qarşısını almaq məqsədi ilə 100-dən çox ölkədə xüsusi karantin rejimi tətbiq olunur. Bu qaydaları pozan şəxslər isə cərimələnir və ya həbs edilirlər.

News.lunar.az Mirror-a istinadla xəbər verir ki, 1 ay ərzində karantin rejiminin pozulması ilə bağlı polisə 200 mindən çox şikayət daxil olub.

Polis idarəsindən verilən məlumata görə, hər 5 saniyədən bir kimsə zəng edərək öz qonşusunun karantin qaydalarını pozduğunu bildirir.

loading...

Bu statistika İngiltərədə, Hempşir qraflığında qeydə alınıb. Belə ki, 4 həftə ərzində 8 minə yaxın insan qonşusuna görə cərimələnib.

"National Police Chiefs' Council"in yaydığı məlumata görə, martın 27-dən aprelin 27-dək polisə 215 mindən çox şikayət daxil olub.

Qeyd edək ki, Ümumdünya Səhiyyə Təşkilatının bugünkü statistikasına əsasən, Birləşmiş Krallıqda 26771 nəfər koronavirus səbəbi ilə dünyasını dəyişib.